Тамара Ангеловска ја отпеа “Je t’aime” од Лара Фабиан (Видео)

Covers

Младата македонска пејачка Тамара Ангеловска повторно и приреди изненадување на јавноста и за 8-ми март, Денот на жената, таа ја промовираше својата најнова преработка на песната “Je t’aime” или “Те сакам” од белгиската пејачка Лара Фабиан. Имено, станува збор за нова преработка повторно од мега популарен артист како Лара Фабиан која важи за најдобар женски вокал во Белгија, неполн месец откако Тамара одлучи да го освојува албанскиот пазар со евровизискиот хит “Сус” на Рона Нишлиу, за што самата Рона кажа дека тоа е најмоќната верзија на песната што некогаш ја слушнала.

Преработката за песната “Je t’aime”, Ангеловска ја направи со својот веќе проверен тим. Музичкиот дел е дело на Иле Спасев, додека режијата и самото снимање на видеозаписот му ги препушти повторно на Џулиани и неговата Џубокс продукција. За нејзиниот изглед и овој пат се погрижија стилистите од бутикот „Голден Гарден“ од Велес кои за Ангеловска избраа прекрасен фустан од новата колекција.

“Полека ја подготвувам мојата трета студиска песна која повторно ќе биде со светски призвук, додека што се однесува за преработките на песните, со мојот проверен тим веќе работиме на следната, еве можам да откријам, следната ќе биде на руски јазик. Станува збор за една прекрасна песна и автори кои се уште е рано да ги откријам”, вели Ангеловска.

Подготви: Марија Поповска

Коментари

коментари

За Нас

Се надеваме и веруваме, дека ќе бидеме дел од Вашето секојдневие, дека Музика24 ќе биде Ваш 24 часовен ритуал за добра, квалитетна, навремена и интересна музичка информација. Продолжете да уживате... Музика24 работи 24/7

Пријатели