Се сеќавате ли на момчето кое не воодушеви со изведбата на “Чија си” од Тоше? (Видео)

Уште во првата сезона која почна со емитување кај нас, односно во 2014-та година, младиот Игор Петковски од Скопје ја освои балканската публика и жирито со маестралниот настап каде ја отпеа “Чија си” од Тоше Проески, а коментарите кои ги доби од тогашниот состав на жирито беа одлични, од: моќно, воодушевувачки… до одлични совети и мотивација со зборовите дека е еден од подобрите млади вокали во Македонија.

Но, тоа очигледно не го мислеше само жирито, туку и публиката која според популарноста на видеото и по прегледи, но и според коментари, не остана рамнодушна на тоа како овој наш пејач ја донесе песната на Тоше на оваа сцена.

Денес, неколку години подоцна, момчето кое го воодушеви балканот заедно со “Хепи енд”, со кој функционираат од 2012-та година, ја подготвуваат својата прва авторска песна со победничкиот и проверен хитовски тим, братот и сестрата Цветковски, односно, Лазар и Магдалена кои се потпишуваат на песната што според најавите ќе биде во поп-рок фазон.
Момците кои годиниве наназад свиреа на иста сцена со Саша Ковачевиќ, Милица Тодоровиќ, Адил, Аца Лукас на нивни концерти како предгрупа, конечно ќе промовираат своја песна. Додека го очекуваме хитот, да се потсетиме на неговиот настап:

Подготви: Редакција Музика24

Повеќе на Музика24...