“Се договоривме да се сликаме со цел за да ја извадиме нашата нова песна, ама на крај си отидовме со снимен спот”, изјавуваат Токсиколози за интересната ситуација која е прикажана на фотографиите. Иницијативата е на самиот снимател кој имаше улога на спонтан режисер за видеото, креативниот Кристијан Теодоров – Кики, човекот со кој Токсиколози ги имаат снимено сите нивни видеа.
Видео записот е за песна која го носи насловот “Сељаци (во центар)”, тема од хумористичен карактер во која се исмејува “сељачкото понашање” специфично за простотилукот во центарот на градовите. Музиката е на диџеј Номадуз, аранжманот на Марко Наумовски, а за стајлингот на Токсиколозите се погрижи самата ситуација. Видео записот ќе биде претставен наскоро, а како ќе изгледа тоа можете да видите од фотографиите во прилог.
Подготви: Маринела Каранфилоска