Градиште со комплетно нова плажа и богата летна програма

Во прв ред

За 10-на дена една од најубавите охридски плажи ја стартува летната сезона 2017-та. Токму по овој повод, тие комплетно ја реновираа плажата, која сезонава добива сосема нов и многу поразличен уникатен изглед, односно, со стартувањето на новата летна сезона една од најубавите плажи на Охридското Езеро ќе има комплетно сменет изглед, кој веруваме дека ќе ги задоволи вкусовите и апетитите и на најпребирливите, се најавува маратонска журка со неколку познати диџеи, пена забава и изненадувања за сите посетители на Градиште 1, 2 и 3.

И тоа не е се. Градиште летово ќе има забави за сите вкусови, па така веќе на 22-ри јули на Градиште 1, 2 и 3 ќе се одржи традиционалниот, десетти по ред “Love and happiness” фестивал во чии рамки на сите три плажи ќе има забави со неколку светски и домашни диџеј имиња, кои ќе бидат објавени наскоро. Се очекува за добрата атмосфера да се погрижат преку 30 изведувачи, а за посетителите се предвидени и пена забава, огномет… Забавите на сите три плажи почнуваат во 21 часот, а билетите во претпродажба по цена од 400 денари се веќе пуштени во продажба. Билетите на врата ќе чинат 600 денари, а во претпродажба може да се набават преку мрежата на купикартизасе, станица Стража, плажата Градиште, Острово – Свети Наум и ланџ бар Ноа во Охрид.

29-ти јули пак, е резервиран за спектакуларниот концерт на најголемата фолк ѕвезда на просторите на поранешната држава – Лепа Брена. Настапот на Брена е закажан на плажа 2, па заради ограничениот капацитет бројот на влезници е ограничен. Во претпродажба билетите ќе бидат по промотивна цена од 600 денари, додека на врата таа ќе биде повисока. Стартот на концертот е во 21 часот. На 5 август гостуваат шармантните Фрајле, четиричлениот женски акустичен бенд од Нови Сад, девојките кои ги освојуваат срцата на публиката од 2009-та па наваму, кога и всушност е основан бендот. И Фрајле ќе се погрижат за журката на плажа 2. Влезниците за дружбата со девојките кои свират од руско-циганска музика до актуелни поп-рок и авторски теми во претпродажба ќе се продаваат по цена од 500 денари.

Подготви: Марија Поповска

Коментари

коментари

За Нас

Се надеваме и веруваме, дека ќе бидеме дел од Вашето секојдневие, дека Музика24 ќе биде Ваш 24 часовен ритуал за добра, квалитетна, навремена и интересна музичка информација. Продолжете да уживате... Музика24 работи 24/7

Пријатели