Во прв ред

Позната музичката програма за “Пролетниот Вино Фест”

Подготовките за престојниот “Пролетен Вино Фест” се веќе завршени, а од организацијата ги открија и музичките имиња кои ќе настапат од 6-ти до 10-ти мај кај Веро Центарот. Покрај сортните вина и деликатесната храна, посетителите секојдневно ќе имаат можност да уживаат во музика за сечиј вкус. На отворањето во среда, свој настап ќе имаат енергичните “The Hounds” кои се познати по одличните кавер верзии на македонски песни, но и по неколку авторски песни, а веднаш по нив ќе настапи гостинот од Црна Гора- Бојан Маровиќ, чии песни одлично “лизгаат” со добро вино.

https://youtu.be/5i1CQbf9JTk

Во четврток пак, свое големо концертно враќање на сцената ќе доживеат култните “Last Expedition”, еден од најдобрите македонски бендови на сите времиња, а пред нивниот концерт ќе настапат “Cross road Blues Band” и “Backdoor Band”.  Петокот е резервиран за македонска музика, па ќе ги слушаме Бета Хаус, Миле Кузмановски и за крај Жаре Бербер.

На 9-ти мај во сабота, на “Пролетниот Вино Фест” публиката ќе ја забавуваат Летечки Пекинезери, Нина Јанева & 2 Exit и маестро Игор Џамбазов. Последниот ден на фестивалот ќе се заокружи со македонска етно музика со бендот Калевала, но и со еден нов проект “Каверленд”, чиј што вокал е победничката на Макфест – Александра Јанева, а она што го прави овој бенд поразличен од другите е тоа што музицираат на инструменти кои најчесто се користат во класичната музика. Од менаџментот најавуваат дека ова ќе биде едно од најголемите изненадувања за посетителите на “Пролетниот Вино Фест 2015”.

Proleten Vino FestВо продолжение, прочитајте ја подолу целосната музичка програма за времетраење на винскиот фестивал:

06.05.2015 – Среда

  • 18:00-20:00 Чалгии
  • 20:00-21:30 Акустико Бенд
  • 21:30-23:00 Бојан маровиќ
    23:00-01:00 The Hounds

07.05.2015 – Четврток

  • 19:30-21:00 DJ Tina
  • 21:00-22:00 Cross Road Blues Band
  • 22:00-23:30 The Backdoor Band
  • 23:30-01:00 Last Expedition

08.05.2015 – Петок

  • 19:00-21:00 New Indigo
  • 21:00-22:00 Beta House
  • 22:00-00:00 Миле Кузмановски
  • 00:00-01:00 Жаре Бербер

09.05.2015 – Сабота

  • 19:00-21:00 Тамбураши
  • 21:00-22:30 Летечки Пекинезери
  • 22:30-00:00 Нина Јанева и 2 Exit
  • 00:00-01:00 Игор Џамбазов

10.05.2015 – Недела

  • 19:00-20:00 Чалгии
  • 20:00-21:30 Тамбураши
  • 21:30-22:00 Калевала
  • 22:00-23:00 Coverland
  • 23:00-00:30 dE MARBLE

Подготви: Марија Поповска

Можеби ќе ве интересира: