Од скопскиот клуб “ХО” и за овој петок најавуваат журка за паметење заедно со еден од најдобрите словенечки DJ-и Angel Anx. Со изданија на “Ministry of Sound”, Toolroom, CR2, Pacha, Azuli поддржани од најголемите светски имиња во музичката индустрија како Fatboy Slim, Groove Armada, Eric Prydz, Axwell, Afrojack, Benny Benassi, David Guetta, Roger Sanches, Pete Thong и други, Angel Anx е еден од водечките DJ-и и продуценти во регионот заедно со своите сонародници Umek и Valentino Kanzyani.
Поканата да направи профил на микс од продуценти на BBC Radio1 докажува уште еднаш дека Angel Anx како диџеј и продуцент продолжува да прави најсовремена продукција за слушателите кои бараат квалитетна електронска музика.
Неговиот проект “Фатална песна” беше објавен на CR2 рекордс, а беше поддржан од X-Press 2, NIC Fanciulli, DJ Chus и многу други. Синглот се појави на хаус компилацијата на Обединетите нации заедно со имиња како Eric Prydz, Tiefschwarz, Steve Angello, Danny Howells, а истиот го издадоа и Pacha и Def Mix на нивниот Winter Sessions vol. 4 миксан од Hector Romero и Juan Diaz кои не се двоумеа да го вклучат „Фатална песна” на него. Неговите одлични миксови на “Don’t lose yourself”, “We play house”, “Apes talking” и соло сингловите “Blow” и “Love Strings” ќе бидат само дел од репертоарот на DJ сетот на Angel Anx во петок во “ХО”.
Подготви: Редакција Музика24