После 70 години “Танец” е на пат да добие свој дом

На иницијатива на директорот на Н.У. “Танец”, Мартин Вучиќ, на 72. владина седница одржана на 23-ти јуни, беше разгледано и одобрено поднесеното барање на институцијата за ново урбанистичко-архитектонско решение за нов дом на една од најстарите културни институции во државата, обемен елаборат врз кој раководството на “Танец” работеше интензивно во изминатиот пандемиски период.

Владата го разгледа барањето и го задолжи Министерството за култура да предложи соодветно решение до Владата за проблемот со кој се соочува Националната установа Ансамбл за македонски народни игри и песни “Танец”. Со тоа, конечно, после 7 децении постоење, една од најважните македонски институции од областа на културата кај нас ќе добие своја сала и соодветни услови за работа и концертирање, достојни за нејзината историска важност.

Ова е прв пат, некоја влада да има слух за значајната улога на адекватните просторни услови во целокупниот раст и натамошен развојот на овој наш најголем амбасадор на македонското фолклорно богатство и македонската култура, воопшто.

Повеќе на Музика24...

Остави коментар

Вашата маил адреса нема да биде објавена.