Македонска филхармонија во четврток (24.09) со почеток во 20 часот ќе одржи онлајн концерт во рамки на фестивалот „Денови на македонската музика“. Концертот е насловен „Гравитациски бранови“, а ќе прозвучат дела од Ристо Аврмовски – Lamento per Macedonia, Панде Шахов – циклус за гудачки оркестар „Езера“, Тома Прошев – Темпера 4, Горан Начевски -Aurora Musis Amica Est и Михаило Трандафиловски – циклус за гудачки оркестар „Акварел“. Делата на Шахов и на Трандафиловски ќе ја доживеат својата праизведба. Со оркестарот на Филхармонија ќе диригира маестро Сашо Татарчевски, а како солист ќе настапи Горан Начевски.