Најголемите хеви-метал ѕвезди стануваат стрип јунаци

Издавачката куќа Comics DC најавува нова серија стрипови кои ќе овековечат многу хеви-метал ѕвезди. Серијата наречена Dark Nights: Death Metal – Band Edition ќе има седум дела, во кои ќе се појават најголемите светски ѕвезди од овој музички правец како: Ozzy Osbourne и бендовите „Megadeth“, „Sepultura“, „Ghost“ итн.

Новите изданија можат да се пофалат со различни насловни страници,  секое издание e посветено на една хеви метал ѕвезда. Исто така, секој стрип ќе има вовед со биографии и ексклузивно интервју со музичарите.
Ова специјално издание ќе биде објавено во март годинава, во 13 земји, а во официјалниот синопсис на серијата Dark Dark: Death Metal се вели: „ Кога Земјата беше освоена од мрачна мултиверза, Лигата на правдата беше оставена на милост и немилост на освојувачот. Човештвото се бори да преживее во пеколен пејзаж извртен до непрепознатливост, додека разделените Бетмен, Чудесна жена и Супермен, се борат да преживеат и да ја спасат планетата од уништување.“

Насловната страница на секое издание е дизајнирана од друг уметник, а комплетната листа на нови херои изгледа вака:

1. „Megadeth“ – Juanjo Guarnido
2. „Ghost“ – Werther Dell’ Edera
3. „Lacuna Coil“ – Timpano &  Antonio Fuso
4. „Opeth“ – Mathieu Lauffray
5. „Sepultura“ – Albuquerque / Pedro Mauro
6. „Dream Theater“ -Santi Casas
7. Ozzy Osbourne – Marco Mastrazzo