Објавен е официјалниот трејлер за филмот „Свjeтла Сарајева“ кој раскажува за јубилејот на легендарната сараевска сала „Скендерија“, а приказната е раскажана од гледна точка на фронтменот на бендот „Забрањено пушење“, Сејо Сексон.
„Свjeтла Сарајева“ е топла, интимна приказна која започнува од детството, младешките соништа, неуспешните обиди и првите успеси сè до повоениот камбек и врвот на кариерата крунисан на заедничкиот јубилеен концерт на бендот и салата. Приказната е раскажана преку емотивната нарација на еден од сведоците на заедничката историја на култната градска куќа и бендот што растеше и созреваше во него. Покрај највпечатливите снимки од концертот, филмот не води во студена зимска ноќ, низ уникатни и колоритни сараевски населби и села, и низ митови и легенди поврзани со самата сала, кои настанале во социјалистички период кога за само неколку децении на улиците на Сараево се појави нов, главен град на Југославија и културен и спортски центар.
„Забрањено пушење“ ја подарува оваа временска капсула од одличен и неповторлив исечок од долгата и интересна историја на „Забрањено пушење“ на својата публика и на сите оние луѓе чии животни приказни „Забрањено пушење“ ги преточија во песни и кои беа верна поддршка и единствена поддршка на бендот сите овие години. – се наведува во описот на филмот.
Режисер на филмот е Срѓан Перкиќ, кој го напиша и сценариото заедно со Давор Сучиќ, попознат како Сејо Сексон.