Веднаш по најавата што неодамна Нина Бадриќ ја даде за медиумите за одржување на голем солистички концерт во Сараево, од нејзиниот тим стигна и дефинитивна потврда – ова музичко случување ќе се одржи на 14-ти фебруари во местото “Зетра”, под името “За луѓето од љубов”, пишуваат медиумите во Сараево. Популарната хрватска пеачка вели дека не е случајно што пред сараевската публика ќе се појави токму на овој ден.
“Има ли поубав ден од овој? Пресреќна сум, бидејќи денот на заљубените ми припаѓа на мене и на моите сараевчани. Можам само да најавам дека концертот ќе биде на високо професионално ниво и признавам дека сум премногу возбудена”, изјавила Бадриќ.
Подготви: Марија Поповска