Фестивалските хостеси, пивскиот туристичкиот воз и велосипед ги канат сите кои сакаат добра забава и дружба да го посетат Фестивалот на пивото – “Пиво фест 2015”. Вечерва во Прилеп започнува овогодинешното издание на овој наш најголем и слободно може да кажеме единствен вистински пиво фестивал. Од денес па следните неколку дена се очекуваат над 350 илјади гости од земјава и странство да допатуваат и да го посетет градот под Марковите Кули.
Организаторите потврдуваат дека се е подготвено за годинешната манифестација. Се поставуваат штандовите, се местат бините, Прилеп веќе пулсира во ритамот на најлудата забава на овие простори. Прилепчани со нетрпение го очекуваат почетокот на овој голем музички спектакл.
На 20.000 метри квадратни се поставени 30-тина штандови. Хотелските капацитети и приватното сместување се речиси исполнети, а место се бара и во околните градови. Поради подобра услуга продолжено е работното време на сите трговски и угостителски објекти во градот, а за гостите кои ќе дојдат со возила на располагање се преку 20.000 паркинг места.
Сите детали од вечерашното отворање на фестивалот на пивото и скарата ќе ви ги пренесеме веќе утре. Специјализираниот македонски музички портал Музика24 четири дена ќе ја следи оваа спектакуларна музичка фешта на пивото и забавата. Бидете со нас и следете не на www.muzika24.mk.
Од Прилеп за Музика24: Јовица Пауновски