Балканленд

Жељко Јоксимовиќ на местото на Бора Чорба во “Пинкови ѕвезди”

Рок пејачот Бора Ѓорѓевиќ поради здравствени проблеми е спречен во наредниот период да продолжи со снимање на една од најпопуларните шоу програми во Србија “Пинкови ѕвезди”.

“Желбата на продукцијата беше новиот член на жирито да биде Жељко Јоксимовиќ кој со своето извонредно искуство и популарност ќе допринесе во квалитетот на нашата шоу програма. Жељко веднаш го прифати овој ангажман и ние му се заблагодаруваме за тоа”, изјавуваат од ПР службата на розевата телевизија. Музичарот Жељко Јоксимовиќ истакна дека во овој момент е најважно фронтменот на “Рибља Чорба” да оздраве побрзо.

“Бора е мој верен другар, беше гостин на мојот концерт во Скопје, а тоа не се заборава. Пинк е телевизија со која соработувам од самиот почеток на својата кариера и драго ми е што можам да помогнам во ова шоу”, изјави Жељко. Популарниот пејач оваа недела го очекува првото снимање на омиленото шоу за таленти во регионот.

Подготви: Редакција Музика24

Можеби ќе ве интересира: