И покрај пандемијата и отсуството на нормален музички живот, Неда Украден влезе во студиото и сними дури три нови песни, возбудливи и различни, од одлични автори: Миро Буљан, Мирко Шенковски – Џеронимо и Немања Антониќ. Неда е незапирлива и неповторлива, а нејзината публика е воодушевена од новите песни: „Jednom kada ovo prođe“, „Gdje ćemo za praznike“ и „Muchas Gracias“. Ова се најавите за нејзиниот нов студиски албум насловен „Jednom kada ovo prođe“, кој ќе содржи тринаесет песни што публиката веќе добро ги познава.
Нејзиниот докажан „тим од соништата“ предводен од режисерот Дејан Миличевиќ е одговорен за сите три видеа. Видеото е снимено во едно од најголемите регионални студија, со десетици статисти и танчери. Дури и за потребите на песната „Muchas Gracias“, благодарение на љубезноста на мексиканската амбасада, беа обезбедени оригинални мексикански носии. Првиот најавувачки сингл на новиот студиски албум е насловната песна „Jednom kada ovo prođe“ потпишана од Мирко Шенковски, од нејзиното објавување е во тренд на Јутјуб. Каков фестивал „CMC“ би бил без Неда Украден. На годинашното 13-то издание на „CMC“ фестивалот во Водице ќе бидат изведени дури 50 песни, а една од нив е и песната на Неда, „Gdje ćemo za praznike“, на Миро Буљан и Драгиша Баша.
Песната е вистинско освежување во богатата кариера на Неда Украден. Лесниот летен текст едноставно ги тера луѓето да излегуваат во природа за да уживаат во љубов, музика, возење, патувања. Третиот сингл „Muchas Gracias“ го потпишува Немања Антониќ. Оваа привлечна песна со темпераментен латино ритам е новина и во нејзината богата кариера. Песната беше инспиративна за целиот тим, а освен во музиката, Неда доживеа и вистинска трансформација во однос на облеката и фризурата.
Промоцијата на албумот „Jednom kada ovo prođe“ ќе се одржи на фестивалот „CMC“ во Водице, а наскоро ќе биде достапен на сите достапни платформи за стриминг.
Подготви: Редакција Музика24