Реномираниот хрватски музичар Тончи Хуљиќ ја претстави својата нова песна „Маре луда“. Се работи за сосема нов звук на длабоки емоции. Ова е првиот сингл кој го најавува албумот наречен „Инаморана“, што значи за заљубеност.
„Ова е непланиран албум создаден поради вишок време, прекумерна инспирација, составен од екстремни емоции и создаден за мојата душа“, вели Хуљиќ.
Екстремните емоции се токму она што песната „Маре луда“ го буди кај секој слушател. Направена во форма на далматинска шансона и ја става емоцијата во преден план со минимална употреба на инструменти, само пијано и виолина.
2021-ва година ќе биде креативно богата година за познатиот творец од групата „Магазин“. Имено Тончи ја подготвува првата поп-миса во светот. Се работи концертен спектакл насловен „Миса Медитерана“ кој датира од 17-ти, 18-ти и 19-ти век, кога мисите биле вообичаени, а денес се сосема ретки. Мисата ќе биде на латиница и е специфична по тоа што е поп-кросовер миса со истакнат медитерански карактер. Ако сè оди според планот, идејата е да се одржат две претпремиерни проекции на Сплитскиот летен фестивал. До крајот на годината, Тончи ќе го и заврши двојното инструментално ЦД „Медитерано“.