Денес во Малме се одржа евровизиското ждребување каде беше одреден редоследот на земјите учеснички на 58-от избор за Песна на Евровизија кој што ќе се одржи од 14-18 мај во Шведска.
Музика24 дознава дека македонските претставници Есма и Лозано, ќе настапат во втората полуфинална вечер под реден број 6. Во првата полуфинална вечер ќе настапат 16, додека во втората освен Македонија, ќе настапат исто така 16 земји учеснички.
Музика24 ви ја прикажува листата според денешното ждребување која земја кога настапува:
ПРВА ПОЛУФИНАЛНА ВЕЧЕР
Прва половина: Данска, Хрватска, Украина, Холандија, Австрија, Словенија, Естонија, Русија.
Втора половина: Литванија, Србија, Ирска, Белорусија, Кипар, Црна Гора, Белгија, Молдавија.
ВТОРА ПОЛУФИНАЛНА ВЕЧЕР
Прва половина: Латвија, Азербејџан, Малта, Исланд, Сан Марино, МАКЕДОНИЈА, Финска, Бугарија.
Втора половина: Израел, Норвешка, Албанија, Унгарија, Швајцарија, Грузија, Грција, Ерменија, Романија
Дали и колку ќе успееме овој пат да влеземе во финалето, освен од нашите претставници, тоа ќе зависи и од нашата дијаспора како и од начинот на кој ќе се претставиме и промовираме пред останатите.
Подготви: Елена Крагуеска