Денеска во Белград беше погребан Зафир Хаџиманов (Фото)

Познатиот музичар Зафир Хаџиманов денеска беше погребан на Новите гробишта во Белград. Последното испраќање на Зафир се одржа во кругот на најтесното семејство и најблиските пријатели. Зафир беше кремиран а урната беше положена во Алејата на заслужните граѓани.

Како што најави неговиот син Васил, по крајот на пандемијата ќе се одржи испраќање какво што му доликува и какво што заслужи Зафир.