Денес во Младинскиот културен центар во Скопје со почеток во 13 часот стартуваше петото издание на „Skopje Vinyl Convention“. Настан кој што е инспириран од и посветен на сите колекционери и љубители на винили, а во организација на Funky Fresh. Целодневната програма вклучува над 20 дилери на плочи од земјата и регионот, неколку премиери на нови винил изданија и настап на повеќе од 20 локални музичари. Важно за сите љубители, влезот е слободен.
“Примарната цел е да се сплотат сите љубители и колекционери и да им се даде простор на локалните диџеи да ги покажат своите плочи и умешноста стекната изминатиов период. Оваа година ќе има повеќе изложувачи и дилери и секако одлична музичка програма”, велат организаторите.
„Skopje Vinyl Convention“ годинава се реализира согласно актуелните Ковид протоколи за организирање настани на отворен простор.
Подготви: Редакција Музика24