Музика на кирилица

Биба Додева в понеделник го промовира својот најнов студиски албум „Незаборавни“

Како што дознава музичкиот портал Музика24, познатата македонска поп пејачка и авторка Биба Додева в понеделник со почеток во 19:30 во отворениот дел на хотелот “Александар Палас” ќе го промовира својот нов студиски албум насловен „Незаборавни“. Албумот е составен од преработки на 11 македонски евергрини и од две бонус песни од последните два фестивала на кои што таа настапила. По тој повод, Додева вели:

„Имавме тешка задача заедно со мојот пријател и колега Владимир Дојчиновски да ги одбереме песните од 1962 до 2002, од таа огромна македонска музичка ризница. Тоа се песни кои оставиле белег на една младост, една љубов, во едно поинакво време, па токму затоа ни претставуваше голем предизвик, но и голема одговорност да ги преработиме и да оставиме свој печат“, изјавува Додева по повод новиот студиски албум.

Како што и таа самата открива, на проектот се работело повеќе од една година, а како гости се јавуваат голем број на македонски музичари, но и тројца еминентни гости од регионот.

Подготви: Влад Петров

Можеби ќе ве интересира: