“Октопуси Ентертеинмент” со особено задоволство пред истекот на оваа година ви го најавува настанот организиран за уникатен пречек на Новата година и најлудата новогодишна прослава со најдоброто од македонската музичка сцена. По овој повод, на 31-ви декември во “Метрополис Арена” во Скопје заедно со нас ќе бидат познатите “виновници” за незаборавните журки и музичките имиња кои станаа препознатливи по одличната атмосфера на нивните настапи, големиот број фанови и исклучителните концерти.
Оваа вечер, магичното место во Скопје ќе биде токму големата “Метрополис Арена” и бината на која во новогодишната атмосфера ќе настапат: Суперхикс, Пеперминт Гоце (Саф) и ЛД Пистолеро и Самоил Радински, со кои заедно ќе ја испратиме старата и на најдобар начин ќе ја дочекаме Новата 2015-та година. Гаранција за новогодишната фешта на овој настан е бендот кој и официјално го освои признанието за најдобриот одржан концерт во 2012-та – Суперхикс. Покрај нив, со нас ќе биде и бунтовната и алтернативна музичка дружина на Пеперминт, име кое веќе има бројна фан база во Македонија. Но и тоа не е се!
Со нас на оваа магична ноќ, задолжени за енергично хип-хоп лудување се македонскиот рапер, радиоводител и ди-џеј Владимир Пешков познат како ЛД Пистолеро заедно со диџеј Гоце Саф, кој на крајот на 90-те беше познат на македонската андерграунд сцена како дел од групата САФ. А на самиот почеток на Новата година забавата во “Метрополис Арена” ќе го очекува својот максимум со настапот на Самоил Радински, ди-џејот и продуцент кој активно ја промовира електронската музика уште од самите почетоци на оваа музика како движење. “EPM” за него вели:
“Самоил е со секое право во првите редови на новата авангарда на европската денс музика”, додека пак Orlando Voorn ќе каже: “Уште еден брат кој многу добро го разбира тоа, вистински воин на софистицираната андерграунд музика”.
Влезниците за најдобрата новогодишна прослава со најдоброто од Македонија се веќе достапни во продажба и тоа по промотивната цена со 50% попуст од само 200 денари. Оваа цена ќе важи само уште неколку дена или до 20-ти декември. По завршувањето на промотивната акција, влезниците во претпродажба ќе чинат 300 денари, а истите на 31-ви декември на влезот на “Метрополис Арена” ќе се продаваат по цена од 400 денари. За овој настан достапни се и ВИП влезници од 500 денари, како и ВИП пакетите од 4.000 денари (4 ВИП влезници + барска маса + Jаgermeister/Finlandia/Jack Daniels).
Подготви: Редакција Музика24