Музика на кирилица

Зоран Џорлев со нов проект на МТВ “По патот на песната”

По телевизиските проекти “Зајди, зајди” и “Зора зори”, Зоран Џорлев наскоро се враќа на малите екрани во новата емисија “Патот на песната”. Се работи за ТВ емисија, снимена од страна на продукцијата на Џорлев во копродукција со Македонската телевизија.

Актуелниот директор на “Танец”, Џорлев, по завршување на големите обврски со Танец, сепак реши да се посвети повторно на негова емисија. Овојпат нема да се работи за емисија снимена во студио, туку за нешто поинакво. Следејќи го патот на песната, Џорлев и неговиот оркестар ќе одат од град во град, пеејќи заедно со многутте таленти кои ги раѓа ова чудесно парче земја. Прва дестинација на снимање беше Скопје, потоа следуваат Охрид, Битола, Прилеп, Струмица и секое друго гратче каде што се пее и слуша македонската музика.

Ќе се пее и свири исклучиво во живо, а оркестарот ќе биде составен од професионални музичари: Илчо Јованов – хармоника, Никола Митровиќ – контрабас, Зоран Златков – тарабука, Александар Стаменковски – гитара и талентираната мултиинтрументалист – Бајца Арифовска.

Целта на емисијата и авторот е да се врати македонската народна песна на пиедесталот на кој заслужува да биде, против целиот шунд кој доаѓа од северниот сосед. Овој автентичен проект ќе содржи 30 емисии, а секоја од нив ќе трае околу 45 минути.

Подготви: Редакција на Музика24

Можеби ќе ве интересира: