Можеби помладите генерации не се сеќаваат, но секако, оние повозрасните се сеќаваат на познатата поп пејачка Љупка Димитровска, која на Фестивалот за забавни мелодии “Макфест” ја има отпеано легендарната “Ѕвона ѕвонат”. Токму денес оваа наша македонска пејачка го слави својот 69-ти роденден.
Позната е низ регионот, поточно низ државите од поранешна Југославија. Денес Димитровска живее во Загреб каде што исто така е позната поп пејачка на хрватски јазик. Својата најголема популарност ја стекнала во 70-те и 80-те години на минатиот век. Еден од нејзините најголеми хитови е веќе горе споменатата “Ѕвона ѕвонат” изведена во 1990 година.
Редакцијата на Специјализираниот македонски музички портал Музика24 и го честита роденденот и и посакува пред се многу здравје, среќа и успех во она што го работи.
Подготви: Марија Поповска