На покана на основачот и извршен директор на “Viber” – Талмон Марко и во организација на министерот за информатичко опшество Иво Ивановски, DJ Ерик Фокс и Симона Попоска имаа чест да настапат и забавуваат присутните на првата ексклузивна Viber забава во Македонија, која се одржа во Клуб “Станица 26” во Скопје. На забавата присустувале основачот и извршен директор на компанијата Талмон Марко, и неговите соработници, директорот за технолошки развој на “Viber” Игал Магазник и Хирато Шинатро од компанијата за он-лајн трговија Ракутен.
Како што дознаваме, забавата траела до раните утрински часови. Атрактивната пејачка и една од најдобрите вокали кај нас Симона, како и на секој настап така и за оваа пригода имаше специјален комплетен стајлинг, едноделен костим кој го оцртува и истакнува згодното тело на пејачката во виолетова боја соодветна на бојата на компанијата и накит специјално изработен за оваа прилика од вештите раце на дизајнерката Наташа Гулевска, за шминката се погрижи мејкап артистот Бобан Тодоровски.
Во продолжение уживајте во фотографиите од забавата.
Подготви: Редакција Музика24