Музика на кирилица

Слаткаристика одржа одличен концерт во Софија (Фото)

Слаткаристика во саботата го одржа најавениот концерт во концертната сала од клубот “Mixtape 5”, во Софија. Капацитетот на салата беше исполнет, а нашиот хип-хоп артист се претстави одлично, правејќи концерт за паметење. Како дел од неговиот настап беа DJ Оки Доки, Нико на тапани и Аце НЛ, а специјален гостин на концертот беше Ицо Хазарта, од култниот “Апсурт”.

Бугарските медиуми Слаткаристика го претставија како светски артист, а неговиот настап го споредуваа со концертите на големите светски ѕвезди. Публиката повеќе и од задоволна се забавуваше и ги пееше сите песни со Слаткаристика.

Slatkaristika_sofijaИзминатата недела Слаткаристика во Софија гостуваше во повеќе телевизиски емисии и даде 7 интервјуа за печатени и интернет медиуми. Исто, за време неговиот престој таму тој сними и видео запис за првата, музичка соработка со бугарски хип-хоп артисти познати како “Young BB Young”. Песната е насловена како “Таа има маж”, а заедно со спотот ќе биде промовирана пред македонската и бугарската публика на почетокот на месец март.

Slatkaristika_zlatna buba maraОд Иноватива Груп велат дека ова е само почеток за Слаткаристика затоа што овој артист буди голем интерес од публиката како и од медиумите во соседна Бугарија. Тој со неговата музика ги пробива музичките границите и од него ќе следуваат уште многу новитети, како во Македонија, така и надвор од нашата држава. Додека пак на домашна сцена, Слаткаристика е добитник на Златна Буба Мара за најгледан видео запис за 2014-та година за познатиот хит “Дими Џам” кој на You Tube за само 8 месеци е прегледан повеќе од 1.630.000 пати.

Подготви: Редакција Музика24

Можеби ќе ве интересира: