На кафе со… Зои Блаж

На само десетина изминати дена од Новата ни година, нашата екипа која секогаш неуморно ве известува со младата Зои Блаж се сретна во едно од скопските кафулиња. И иако надвор е понекогаш грчевито ладно, сепак, со топло кафе кое го има во многу варијанти е секогаш полесно.

Музика24: Kако си, како се чувствуваш во ова студено јануарско утро, на само десетина дена само по Нова Година?

Зои Блаж: Одлично се чувствувам… Се радувам што стартуваше Новата Година и го обожавам утринското јануарско студено кафе, не ми пречи што е студено.

Музика24: Дали обично се расонуваш со кафе или… ? Дали си зависник од утринско кафе?

Зои Блаж: Морам да испијам утринско кафе за да се расонам и да ми почне убаво денот

Музика24: Кога сме веќе кај кафето, кое е твоето омилено?

Зои Блаж: Омилено кафе… ? Па, макијато највеќе пијам

Музика24: Дали обожаваш повеќе да пиеш кафе дома сама или тоа го правиш во друштво на твоите пријатели?

Зои Блаж: Според мене повеќе оди кафето со муабет, што значи дека со моите пријатели.

Музика24: Кој е твојот настап кој ќе го паметиш долго?

Зои Блаж: Првиот мој настап на Сунчане скале каде освоив 7 место и бев толку многу под голема трема.

Музика24: Твоето име е веќе препознатливо во јавноста? Како си задоволна од сето тоа?

Зои Блаж: Мислам дека добро е сега за сега и се надевам дека уште повеќе ќе се пробијам.

Подготви: Ивана Поповска