На кафе со… Ристе Тевдовски

Музика 24 ви претставува уште една наша позната македонска поп ѕвезда која досега се покажала и докажала. Станува збор за Ристе Тевдовски, некогаш дел од групата “Ариа”, а денес познат и успешен поп пеач кој има доста хитови позади себе. Нашата екипа се напи едно утринско кафе со Ристе и што тој кажа за нашата рубрика “На кафе со…” прочитајте во продолжение.

Музика24: Ти благодараме што ја прифати нашата покана за кафе. Кажи ни како си, како се чувствуваш во ова студено јануарско утро?

Ристе: Супер сум, иако обично во време на празници сум изморен од вечерните настапи.

Музика24: Дали по твоето будење вообичаено се расонуваш со кафе или…? И дали си зависник од утринско кафе?

Ристе: Не сум љубител на кафе и најчесто не го пијам во утринските часови. Немам некој посебен ритуал за расонување, знам да се разбудам и веднаш да излезам од дома или да го земам кларинетот и да почнам да свирам. Во последно време редовно ме расонува папагалот, тој ми е најдобар будилник.

Музика24: Дали практикуваш повеќе да пиеш кафе дома сам додека вежбаш или одмараш или тоа го правиш исклучиво во друштво на твоите најблиски или пријателите ?

Ристе: Многу ретко сам дома пијам кафе, најчесто пијам кафе во некоја кафетерија со пријатели.

Музика24: Кажи ни нешто повеќе за твоите обврски во текот на денот? До каде си на музички план? Работиш ли нешто во моментот?

Ристе: Работам постојано. Вежбам кларинет, имам неколку песни на кои работам и одам на часови по пеење кај професорот Србиновски. Немам некој стандарден тек на денот, секој ден е различен, но она што е заедничко за сите е секојдневното вежбање на кларинет и подготовките за постдипломски студии.

Музика24: Во песните најчесто пееш за љубовта, разочаран ли си од љубовта?

Ристе: Не сум разочаран воопшто од љубовта. Љубовта, музиката, тоа се работи кои некако природно одат заедно. Љубовта е најопеана, најзастапен мотив во сите видови на уметност и во животот воопшто. Веројатно затоа е и најзастапена во моите песни и ако добро приметувате во повеќето мои песни е опеана среќната љубов, вистинската љубов.

Музика24: Каков би бил светот според тебе, доколку во него нема музика?

Ристе: Не постои таква можност. Музиката и човештвото се во право – пропорционален однос.

Музика24: Кои се твоите планови во 2013 година ? Што е она што можеме да го очекуваме од тебе?

Ристе: Да запишам постдипломски студии по кларинет и конечно да го издадам долгоочекуваниот албум.

Музика24: За крај што ќе им порачаш на нашите читатели, воедно твои фанови и верна публика?

Ристе: Не би сакал да зборувам за мојата публика како за фанови, тоа некако ми е многу вообразен израз. Тие се мои подржувачи, другари, сограѓани, пријатели, комшии. Да слушаат македонска музика бидејќи се помалку се слуша во Македонија што е навистина жално со оглед на тоа дека Македонија до пред некое време беше пример за сите балкански држави, а денес се повеќе се слуша музика од нашите соседи.

Подготви: Ивана Поповска

Повеќе на Музика24...

www.revanger.com www.erguvanhaber.com www.erzurumozelders.com www.tekirdagtabldot.com www.gebzesaadet.com www.balikesiryenihaber.com www.ucanbalonmugla.com www.aymaras.com www.buyukorduhaber.com www.ambushm.com www.trabzonpostasi.com www.yalovaradyotv.com www.internetedirne.com www.duzcepark.com www.butuncanakkale.com www.ssgolfhotel.com www.ispartaradyonet.com www.tokathaberi.com www.tokathabersitesi.com www.escortlarrize.net www.sivashbr.net www.sivashaberci.com www.manisaotolastik.com www.yeniyasamgorukle.com www.alanyamado.com www.manavgatx.com