Премиера

Бесценето: Феноменална изведба на соло композиција од „Рахмањинов“ (Видео)

Доказ дека Македонија има извонредни таленти докажува и овој пример на соло арија од Рахмањинов кој ја изведува младиот сопран Наташа Михајлова која веќе долг период е докажана во соло „водите“. Опусот нејзин е многу обемен, затоа како музички портал се потрудивме за вас да го издвоиме она најдобро во која се покажала пред огромната публика каде освоила голем на признанија и награди.

N 1Наташа Михајлова е родена на 4-ти септември, 1990 год. во Тетово. Пројавува афинитети кон музиката  уште од најрани години и на нејзина 5 годишна возраст станува најмлад член на детскиот хор „Лале“.  Основното музичко образование го завршува во ДМУ „Тодор Скаловски – Тетоец“ – Тетово, отсек пијано, а своето средно образование го продолжува во  ДМБУЦ „Илија Николовски – Луј“ – Скопје,  отсек музичар-теоретичар.  Паралелно посетува часови по соло-пеење.

Во 2013-та, дипломира Cum Laude на „Факултетот за Музичка Уметност“ при Универзитет „Св.Кирил и Методиј“ – Скопје, отсек соло-пеење, класа на проф. Горан Начевски.

Награди и признанија:

  • Четири Први награди по Солфеж на Државен натпревар за ученици и студенти по музика во Скопје и Битола (2003, 2005, 2007, 2011)
  • Втора награда по Камерна музика на Државен натпревар за ученици и студенти по музика во Битола (2005)
  • Златна Плакета за особен придонес на соработка, за развој, негување на наследството, традицијата, културата и уметноста на Првата меѓународна културна манифестација „Денови на Иљо – 2014“ при ЗКУ „Иљо Антески – Смок“ – Тетово. (2014)

Мастер класи:

  • Мастерклас на Eleanor Valkenburg (сопран) – ФМУ – Скопје (2012)
  • Предавања на Балдо Микулиќ – Werbeck, техника на пеење и нега на глас – ФМУ – Скопје (2013)

Настапи:

  • Најмлад учесник на Концертот на млади музички таленти при Денови на Македонска Музика – Скопје, со изведба на делото „СУИТА“ за пијано од Томислав Зографски. (2005)
  • Солистички настап со хорот „Лале“ на Републичкиот фестивал на пионерски и младински хорови на Р.М во Кавадарци. (2005)
  • Солистички настап со хорот „Менада“ на фестивалот „Златна Вила“ во Приједор, Босна (2010)
  • Прв солистички концерт во Тетово, (2013)
  • Солистички настап со хорот „Драган Шуплевски“, Скопје (2014)
  • Исполнување на солистички дел со хорот „Pro Ars“ за време на снимањето на музиката за филмот Zhong Kui:  Snow Girl And The Dark Crystal, (музика на Javier Navarret во соработка со диригентот Nicolas Dodd, продукција на Sam Okell) (2014)

Моментално, Наташа Михајлова е на магистерски студии по соло-пеење на ФМУ – Скопје. Член е на професионалниот хор „Про Арс“ при СОКОМ. Истовремено, таа е дел од наставниот кадар во ДМУ „Тодор Скаловски – Тетоец“ – Тетово. Освен нејзините активности поврзани со класичната музика, Наташа е член на дуото „Bondi Blue“ и зема учество во проекти поврзани со популарните жанрови.

Во продолжение уживајте во маестралната изведба на Наташа Михајлова за кој допрва ќе се говори.

Подготви: Редакција Музика24

Можеби ќе ве интересира: