Во текот на вчерашниот ден, на официјалниот YouTube канал на Гранд продукција беше промовиран видеоспотот за најновата песна на македонскиот пејач Огнен Здравковски, кој воедно е и ексклузивец на оваа продукција.
„Километрима“ е насловот на новата хит песна која е дело на најдобрите музички имиња од Србија. Автор на песната е познатиот композитор Сашко Николиќ, текстот го напиша Мира Мијатовиќ, додека пак аранжманот е дело на Аца Крсмановиќ. Видеоспотот кој е реализиран во Египет пред неколку месеци, е дело на Урбан Рекордс под режисерска палка на Гордан Божиновски. Во него се појавува младата и убава маникенка Верица Донев.
Како звучи најновата песна на Огнен и како изгледа видеоспотот за истата, погледнете во продолжение: