Бајага ја напиша новата песна на „Бомбај штампа” (Аудио)

Познатиот босански поп-рок состав „Бомбај штампа” ја промовираше својата нова песна „Ниси сама”. Автор на текстот е легендарниот Момчило Бајагиќ – Бајага, а музиката е на оргиналните членови на бендот Бранко Џуриќ – Џуро и Недим Бабовиќ.

„Бомбај штампа” е основана од Бабовиќ во 1982 година. Заедно со Елвис Куртовиќ и „Забрањено пушење” беа предводници на Новиот примитивизам. Групата сега е во состав: Бранко Џуриќ (вокал), Недим Бабовиќ (гитара), Неџат Поџиќ (клавијатури), Един Хаџагиќ (тапани), Санин Лутвиќ (бас гитара), Дуња Галинео Кајевиќ и Џенета Буквиќ Оловиќ (придружни вокали).