Кети Пери го промовираше својот нов сингл „Electric“ по повод 25 години од создавањето на јапонската медиумска франшиза Покемон. 36-годишната поп-ѕвезда сподели и возбудливо музичко видео инспирирано од Покемон за да го придружува изданието. „Еlectric“ е дел од претстојното ЛП издание, „Pokémon 25: The Album“.
„Кога го посетив кафулето „Покемон”, додека бев на турнеја низ Јапонија, станав многу носталгична. Ме врати назад во моите помлади години. Така, кога добив повик да бидам дел од прославата на годишнината заедно со Post Malone и J Balvin, јас бев воодушевена“, вели пејачката.
Колин Палмер, потпретседател за маркетинг на Тhe Pokémon Company International додаде: „Кети Пери со „Electric“ создаде жива химна за да ни помогне да прославиме 25 години Покемон, неверојатна песна за препознавање на сопствените патешествија и развој. Исто така се надеваме дека обожавателите ширум светот ќе уживаат кога ја гледаат Пикачу како се дружи со Кети во музичкото видео за „Electric“, што е прекрасна визуелна придружба на инспиративна песна.“
Целосниот албум треба да излезе нешто подоцна оваа година.