Во прв ред

50 години музичка кариера – Јубилеен концерт на Мики Јовановски Џафер во Јавна соба во Скопје (Фото)

Мики Јовановски Џафер, македонски рок музичар, брилијантен вокал, неуморен перфекционист, човек кој слуша и креира музика, кој остави траен белег на македонската музичка сцена. Во текот на петдецениската кариера соработувал со многу музичари, а бил член на многу бендови: Солзи, Бангла Деш, Мост, Република 903, Разбој, Леб и сол, Автограм, Бодигардс, Тоа е тоа и др.

Незаборавен е како интерпретатор на љубовната „Сонце за три света“, која беше прогласена за песна на деведесетите и влезе во историја на македонската музика. Изведбата на “Макфест“ во 1993, „Сонце за три света“ освои награда за најдобар текст, а Мики Јовановски Џафер награда за интерпретација.

Добитник е на награда „Златна бубамара на популарноста“ за трајни вредности. Оваа престижна награда е всушност потврда за музичкиот траен печат што Мики Јовановски-Џафер го остави во срцата на сите љубители на поп и на рок-музиката. „Лага и измама“, „Под Пелистер“, „Одам на југ“,„Мики мој“, „Џоле бре гол“ и незаборавната „Сонце за три света“.

Концертот ќе се одржи во Јавна соба – Скопје на 13-ти април со почеток од 21 часот. Билетите можете да ги набавите преку www.drugastrana.mk по цена од 550 денари.

Информации и резервации на мобилниот број: 070/317-082

Можеби ќе ве интересира: