Како што дознава музичкиот портал Музика24, на 7-ми април со почеток во 20 часот, во Македонската филхармонија ќе се оддржи ексклузивен концерт “40 Fingers”. Во квартетот акустични гитари членуваат италијанските гитаристи Matteo Brenci, Emanuele Grafitti, Andrea Vittori i Marco Steffi.
Тоа се четворица музичари со сосема различни музички приказни кои преку т.н. техника fingerpicking на акустични гитари истражуваат нови звучни универзуми, изведувајќи широк репертоар на оригинални дела до познати музички теми аранжирани за четири гитари. На овој начин тие ни овозможуваат врвна музичка изведба што ја воодушевува и не ја остава рамнодушна публиката.
Реинтерпретација на одличните класици на модерната музика, од Piazzollа до Beatles, од Dire Straits, Queen до Eric Clapton, изразувајки се во различни музички правци од џез до латиноамериканската музика. Со повеќе од 90 милиони прегледи он-лајн се новата музичка атракција во етерот. Најлегендарните песни и најдобрите звуци испреплетени и претставени на едно несекојдневно музичко шоу.
Најпопуларните песни од настапите вклучуваат: Toto – Africa, The Eagles – Hotel California, Game of Thrones Medley / The Gael (Last of Mohicans Theme song), Eric Clapton – Tears in Heaven, Queen – Bohemian Rhapsody, John Williams – Star Wars Medley, Dire Straits – Sultans of swing, The Beatles – Hey Jude.
Влезниците се во продажба од 1 Март на: mktickets.mk, karti.com.mk и билетара на Македонската филхармонија.
Бидете дел од едно неповторливо искуство!