Во прв ред

Изложба на Диоген Хаџи Коста Милевски за роденденот на Центарот за култура – Битола

Во партнерство на НУ Центар за култура Битола и Центарот за европски развој и интеграција од Битола вечерва свечено ќе биде отворена изложбата на фотографии ФЕСТИВАЛСКА ДИОПТРИЈА на Диоген Хаџи-Коста Милевски, по повод 43-тиот роденден на Центарот за култура – Битола, во вторник на 10.10.2023 – во 19:30 часот.

Ова е прва негова самостојна изложба која ќе биде составена од избрани фотографии од фестивали кои се одржале во Битола во изминатите 5 години, а на кои тој се јавува како официјален фотограф.
Изложбата ги опфаќа фестивалите ИФФК Браќа Манаки, Илинденски Денови , Интернационалниот фестивал на монодрама и Фестивалот на музика од светот, во периодот од 2018 до 2022 година.  Изложбата се состои од 25 фотографии преку кои авторот ни открива фрагменти од многубројните настани запишани со светлината преку неговиот фото објектив. Низ играта со перспективите, светлината и темнината, подредени во функција на неговиот фотографски стил кој изобилува со вибрантна боја, тој создава уметност како сведоштво за минатото, но и инспирација за иднината.
Проектот се реализира со финансиска поддршка на Министерството за култура на Република Северна Македонија, како проект од значење за културата за 2023 .

Можеби ќе ве интересира: