Како што пишувавме пред само некој ден, балканската Бритни Спиарс вчера вечер го одржа својот надалеку најавуван концерт во еден од најдобрите и најпознати клубови во Прилеп, клубот Calypso. И како што најавуваа организаторите, така и би. Клубот беше преполн, дури се бараше карта повеќе да се влезе и да се биде дел од големата забава и концерт на познатата Милица Тодоровиќ, која рака на срце, не ги разочара ниту присутните, ниту пак нашата екипа која што беше позитивно коментирана од неа и нејзиниот менаџер за нашиот претходен текст, читај: Вечерва српската Бритни Спиарс ќе го “запали” Calypso во Прилеп, а истиот беше споделен на нејзината официјална фејсбук фан страница.
А публиката презадоволна во еден здив заедно со неа ги пееше сите нејзини хитови кои ред по ред се редеа, а некои од нив по барање на публиката беа отпеани дури и по два пати. И освен нејзините препознатливи песни, Милица отпеа и песни и од Северина, Лепа Брена, Цеца… и многу други познати балкански музички имиња. Забавата не престана, а младите вечерта ја продолжија во ноќниот клуб VIP.
Calypso на големо се подготвува за своите гости кои на престојниот “Пивофест” ќе бидат во навистина голем број и по тој повод екипата на овој реномиран клуб Ве очекува да ги пробате разно-разните коктели, овошни шејкови како и разните други и слични пијалоци.
Текстот го подготвија: Маринела Каранфилоска и Иван Јосимовски