Во прв ред

По пауза од две години, “Пивофест” повторно во градот под Марковите кули

Прилеп не би бил Прилеп ако веднаш по Петровден или едноставно кажано, кон средината на месец јули не се оддржи препознатливата, најпознатата и најочекуваната музичка и пиво манифестација која е позната низ цел Балкан, а е едноставно наречена “Пивофест”

По пауза од две години (поради коронавирусот), Општина Прилеп заедно со своите партнери и соработници, како и со македонските медиуми, повторно најавуваат интересни, забавни, музички и незаборавни фестивалски денови во кои веруваме сите ќе бидат задоволни и конечно слободни од се она што е зад нас. Музичката програма се уште не се знае, но благодарение на неколкуте продукции со кои соработува организаторот очекуваме навистина интересна и богата музичко забавна програма со музички имиња како од Македонија, така и од Балканот.

Од Општина Прилеп велат дека при крај е процесот на избор на организатор, а за се останато останува да бидеме трпеливи и уште малку да почекаме.

Веруваме дека после многубројните карантини, полициски часови и што ли уште не, конечно ќе можеме да се опуштиме со најдобрата музичка манифестација во која и оваа година како медиумски покровител ќе биде и музичкиот портал Музика24.

Подготви: Влад Петров

Можеби ќе ве интересира: