Традиционално како и секоја година, така и оваа, последниот викенд од месец август, поточно, од 27-ми до 29-ти овој месец на летната сцена од Центарот за култура “Марко Цепенков” – Прилеп, ќе се оддржи новото издание на интернационалниот џез фестивал “Prilep Jazz Weekend 2015”.
Честа да го отвори овогодинешното џез викенд издание му припадна на македонскиот артист Емин Џијан со своето трио. Покрај него, на сцената ќе настапат и: Милан Петрович Квартет од Србија, триото на браќата Тавитјан, групата на Теодисии Спасов од Бугарија, руската драмендбејз атракција Салто и алтер составот на Дарко Рундек – CUL DE SAC. Сите концерти ќе се одржат на летната сцена од Центарот за култура “Марко Цепенков” – Прилеп. Музика24 и оваа година е еден од медиумските покровители кои ќе го подржат и проследат овој музички и кутурен настан во градот под Марковите кули.
Подготви: Александра Блажевска