Во прв ред

Концертот на Владо Јаневски со посебна интересна сцена (Фото)

Подготовките за најавениот концерт на Владо Јаневски во спортската арена “Борис Трајковски”, најавен за 3-ти април, во организација на Горила продукција се во полн ек. Организаторот најавува концерт, сосема поинаков и од се што се случувало до сега. Најнапред, самиот амбиент во кој ќе се организира настанот за прв пат ќе биде виден во арената “Борис Трајковски”.

Подиумот на кој ќе настапи Владо Јаневски со бендот што ќе го придружува, ќе биде поставен централно, во средината на арената, а озвучувањето, светлото, лед ефектите, се ќе биде поставено на покривната конструкција, така што публиката ќе има можност од сосема нов агол да го следи целиот настан. Ваквиот нов пристап во позиционирањето на подиумот бараше вонредни напори за ангажирање на најдобрите стручни лица за звук и светло, како би можело целата идеја да се реализира онака како што е замислена.

Vlado Janevski_koncertПросторот во салата е организиран на начин кој ќе овозможи на фановите на Владо Јаневски да го следат концертот од пристојна близина на подиумот, а сите што ќе имаат билет за тој – фан пит простор, да се движат по уредно обележана патека.

Дека ќе присуствуваме на исклучителен музички настан, говори и големиот интерес за овој концерт, влезниците се пуштени во продажба на сите продажни места на МК Тикетс и според динамиката со која се продаваат, повеќе од веројатно е дека ќе бидат распродадени барем една недела пред одржување на концертот. Овој концерт освен спонзорите и покровителите го поддржа и Министерството за култура.

Подготви: Редакција Музика24

Можеби ќе ве интересира: