World Music

Наместо BBC, телевизијата ITV ќе го емитува кралскиот божиќен концерт

Кавгата меѓу кралското семејство и BBC се вжешти откога принцот Вилијам и војвотката од Кембриџ му забранија на британскиот јавен сервис да го емитува нивниот традиционален концерт со божиќни песни по бесот поради документарецот „Принцовите и печатот“.

Хуманитарниот концерт, наместо таму, ќе се емитува на ITV, а Кејт Мидлтон ќе ги преземе должностите на водителка. Принцот Вилијам заедно со трите деца, принцот Џорџ, принцезата Шарлот и тригодишниот принц Луис, исто така се очекува да присуствува. Сепак, присуството на децата не е потврдено од палатата Кенсингтон.

Кралската двојка реши да му сврти грб на британскиот јавен сервис по емитувањето на првиот дел од документарецот во кој беа прикажани тврдења за наводна расправија меѓу принцовите Вилијам и Хари. Кралското семејство смета дека требало да го види пред да почне да се прикажува и дека не му било понудено право да одговори на наводите изнесени во документарецот од два дела.

Повеќе британски медиуми, вклучувајќи го и BBC, објавија дека војводата и војвотката од Кембриџ го понудиле својот божикен концерт на ITV наместо на BBC по кавгата со корпорацијата.

Бакингемската палата во средата соопшти дека документарната серија “The Princes and the Press”, изнела пренадувани и неосновани тврдења. Во реакцијата се наведува дека е разочарувачки да се даде кредибилитет на таквите тврдења.

Концертот со бадникови песни во Вестминстерската опатија првично требаше да биде емитуван од BBC. Но, концертот ги помести каналите по очигледниот бојкот од страна на членовите на монархијата. Се очекува програмата да биде снимена на почетокот на декември, а сепак ќе ја прави BBC studios, разгранок за комерцијалната продукција на корпорацијата, и покрај промената на емитувачот.

Можеби ќе ве интересира: