За прв пат во Скопје доаѓа српскиот бенд “Ничим изазван”, формиран пред две години. Настапот е закажан за в четврток, во клубот “Хавана”. Со својот прв сингл “О теби”, направија вистински бум на алтернативната музичка сцена во Србија. Нивната музика претставува фузија од разновидни ритми, од валцер, танго, преку латино, до фанк и рок-ритми, со мала доза на флерт и со панкот.
Големиот број акустични инструменти придонесуваат за создавање на еден интересен архаичен звук. Картите се по цена од 150 денари, со консумација. По нивниот концертен настап, публиката ќе продолжи да се забавува со диџеј-сет на Шурбе.
Подготви: Редакција Музика24