Легендарниот музичар и поранешен член на „Битлси“, Пол Макартни, подготвува ново изненадување за своите обожаватели, поточно книга наречена „The Lyrics: 1956 to the Present“, што ќе ја покаже неговата кариера која трае со децении.
Автобиографијата во два тома од 960 страници на кои Макартни ќе ги прераскаже својот живот и уметност низ призмата на 154 песни од сите фази на неговата кариера излегува на 2-ри ноември и сега е достапна за претходна нарачка. Стиховите од 154 негови песни се комбинираат со зборови кои ќе бидат претставени по азбучен, наместо хронолошки редослед, за да се создаде калеидоскопска приказна за неговиот живот. Ова ќе биде дополнето со материјали од личната архива на Макартни како нацрти, писма и фотографии кои никогаш порано не биле објавени
„Почесто отколку што можам да сметам, ме прашуваа дали ќе напишам автобиографија, но времето никогаш не беше соодветно. Единственото нешто што секогаш успеав да го сторам, или дома или на пат, беше да напишам нови песни. Знам дека некои луѓе, кога ќе дојдат во одредени години, сакаат да водат во дневник за да се сетат на секојдневните настани од минатото, но јас немам такви белешки. Она што го имам се стотици мои песни, за кои научив дека имаат иста цел. Овие песни го покриваат целиот мој живот“, изјави Макартни.