Како што не информираат од Авалон продукција, организатори на веќе најавениот “Skopje Calling 2017”, поради Супер купот во фудбал, предвидениот настан нема да се одржи во Телеком Арената и поради тоа, истата се префрлува на повеќе од соодветен простор, на стадионот на АРМ, којшто е буквално до Телеком Арената во Скопје.
Капацитетот останува ист, 20 илјади посетители, а билетите со истите категории (кои се продадени во количина од повеќе од пет илјади влезници низ целиот овој дел на Европа) ќе важат и за оваа локација.
Поради оваа измена, логично е на истата локација да биде и настапот на Thievery Corporation, којшто ќе биде уште поспектакуларен, бидејќи ќе се користи истата бина и продукција која ќе биде наменета за настапот на Martin Garrix на 23 јуни, со тоа што за Thievery Corporation, просторот ќе биде адаптиран со капацитет од 5.000 посетители.
Подготви: Марија Поповска