Јужнокорејскиот рапер Псај подготвува нова песна со наслов “Gentleman”, која ќе биде следбеник на хитот “Gangnam Style”. Новата нумера ќе биде промовирана на 12-ти април, а ќе биде придружена и со нов танц.
“Песната е крајно забавна. Можам да ви кажам дека ќе се вика “Gentleman”. Што се однесува до танцот, сите жители на Кореја веќе го знаат, но не им е познат на фановите од другите земји”, изјави Псај за една локална телевизија.
Раперот ќе одржи концерт на 13-ти април во Сеул, на кој првпат ќе ја изведе новата песна во живо, а упати и повик до сите обожаватели да дојдат на концертот облечени во бело, додека и самиот позираше во неколку бели облеки, меѓу кои и вселенски костим и венчален фустан.
Подготви: Дениза Илиеска