Пијанистката со светска кариера Соња Радојковиќ, сними инструментален албум со балканската ѕвезда Жељко Јоксимовиќ. Во албумот “Балканска сага” издаден од продуцентската куќа “Минакорд” се најдоа нумерите: “Балканска сага”, “Дилбер”, “Лане мое”, “Игра”, “Каприц бр. 24”, “Синоним” и “Тесла”. Музиката, аранжманот и продукцијата се на Жељко Јоксимовиќ, со две преработки. Жељко во песните “Дилбер” и “Синоним” свири на хармоника, а во песната “Тесла” Јелена Томашевиќ пее, а виолина свири Ксенија Томашевиќ.
“Уште пред шест години почна соработката со Жељко Јоксимовиќ, кога почнавме да преговараме да издадам ЦД со неговата музика. Ние успеавме во тоа, и овој месец ЦД-то ќе се појави на продажните места во Србија и во земјите од регионот”, вели пијанистката Радојковиќ.
Подготви: Филип Етмишовски