По тешко боледување на 77-годишна возраст почина хрватскиот пејач Крунослав (Кичо) Слабинац.
Во последните месеци тој имаше неколку операции во Клиничката болница во Загреб. Иако постапката беше извршена успешно, закрепнувањето не помина како што се очекуваше.
Кичо беше роден во Осијек во 1944 година а неговата кариера траеше повеќе од 40 години. Во 1971 година Кичо Слабинац беше претставник на Југославија на Евровизија со песната “Твој дјечак је тужан”. Особено е познат по големиот југословенски хит “Због једне дивне црне жене”. Македонската публика се сеќава на неговите македонски песни “Летај ми гулабе” и “Не враќај се, не буди ме”. Тој во 1989 година победи „Макфест“.