Во гостување во тв емисијата “Македонија денес” на Телевизија24, познатата македонска фолк пејачка Милица Кузмановска откри дека изминуваат веќе 25 години од нејзината музичка кариера, односно, 25 години како Милица пее и ги забавува сите свои фанови, обожаватели и публика.
“Имам некои планови, да речеме во блиска иднина, можеби тоа ќе се одбележи со едно авторско ЦД… така да има повеќе поводи, меѓудругото и моето постоење на естрадната сцена од 25 години”, изјави фолк пејачката Милица Кузмановска.
Таа меѓудругото кажа дека секогаш е поважно она внатрешното, отколку надворешниот изглед и кој како изгледа. За себе вели дека е добра домаќинка и дека ниту еден ден не остава не го подготви посакуваниот ручек, како за себе така и за семејството. Таа Новата 2020-та година ќе ја дочека работно во хотел “Континентал” во Скопје, заедно со колегите од групата “Нота”.