“State of Mind” е drum ‘n bass дуо кое доаѓа од Нов Зеланд. Формирани се во 2002-та година, од страна на Патрик Хокинс и Стјуарт Максвел. Тие имаат издадено музика за големи издавачки куќи, меѓу кои Subtitles Recordings на Teebee, Cia Recordings на Total Science, Shogun Audio, Black Sun Empire Recordings, Uprising Records на Concord Dawn, BC Presents на Bad Company и други. Во 2007 година ја формираат својата издавачка куќа State of Mind Music (SOM Music).
Нивното дебитантско EP, насловено како “Take control”, во 2007 година е номинирано за наградата “Best Electronic Album”, а една година порано ги добиваат наградите “Breakthrough artist” и “Electronic single of the Year”. Во Март 2009-та година го издаваат своето второ EP, “Faster than light”, на кое гостуваат повеќе звучни имиња од светот на drum ‘n bass музиката, додека во aприл 2012-та година го издаваат својот албум, “Nil By Ear”. Водители се на drum ‘n bass емисијата “The Next Level” на радио станицата 95bfm во Нов Зеланд.
На 14-ти април доаѓаат во Куманово, во клубот Wire со почеток во 20:00 часот. Влезниците ќе се продаваат по цена од 300 денари во претпродажба и 400 денари на врата. За гостите од Скопје има организирано и автобуски превоз, превозот во два правци заедно со влезницата ќе чини 500 денари.
Warm up – Никола (DnB Ku) и Tecktone (Neuritmix).
VJ – Инес Ефремова.
Картите може да се набават во Wire, Paperino Moto Shop, Југотон и на сите продажни места на kupikartizase.com, а за резервации за опцијата со организиран превоз, пишете на [email protected], наведувајќи го своето име и презиме, како и бројот ка карти кои сакате да ги резервирате. Плаќањето ќе се изврши при самото качување во автобус, кој потоа ќе ве врати во Скопје.
Подготви: Дениза Илиеска