Вчера вечер на МРТ беше претставена новата македонска евровизиска песна, која што ќе не претставува на овогодишниот избор на евровизиска песна во Малме, Шведска. По многубројните негативни коментари за “Империја” ја добивме и новата “Пред да се раздени”. Некои шпекулираат дека и оваа песна ќе се менува, некои демантираат, но тоа не е ни важно…
Сите знаеме дека освен Лозано на евровизиската сцена ќе се појави и Есма – кралицата на ромската музика. Текстот за оваа песна го напиша Магдалена Цветковска Ена, додека делот на ромски кој што го пее Есма – нејзиниот син Симеон Атанасов. Сите коментираме песната е ваква, онаква, ова или она и фали, а никој не се запраша што всушност пее Есма.
Музика24 Ви го открива стихот (делот) кој што Есма го отпеа вчера вечер, а истото ќе се случи и на големата евровизиска сцена во Малме. Што пее Есма?!
Ромски: Македонски:
Me i Esma ake gjilavav, Јас, Есма еве пејам,
tumare vile me ka takjarav вашите срца јас ќе ги стоплам
Me i Esma ake gjilavav Јас, Есма еве пејам,
tumare vile me ka takjarav. вашите срца јас ќе ги стоплам
Odoleske mashkar pageren затоа со половината заиграјте,
Khelen sarine ushten Romalen! ајде станете сите Роми.
Подготви: Редакција Музика24