Ана Николиќ направила хаос на скопскиот аеродром “Александар Велики”. Имено, пејачката која неодамна гостуваше во Прилеп, по настапот имала утрински лет за Белград, но бидејќи се успала не успеала да стигне навреме за да го фати авионот. Целата во паника, Николиќ свртела кај неколку пријатели во Скопје кои успеале да го запрат авионот кој бил пред полетување, пишува Вечер.
Ана и брат и Марко се успале бидејќи имале напорна ноќ зад себе. Кога се разбудиле и виделе колку е часот, се испаничиле и веднаш му се јавиле на сопственикот на дискотеката во која пеела, а тој во рок од десет минути им пратил возач за да ги однесе од Прилеп до Скопје. Бидејќи немало никаков начин да се стаса навреме, пејачката го зела телефонот во рака и им свртела на неколку блиски пријатели, кои ги замолила да и помогнат. Тие веднаш успеале да интервенираат и дури го спречиле и полетувањето на авионот, кој извесен период полн со патници ја чекал само пејачката, открил извор близок на Ана и додал дека таа се брзала толку многу бидејќи истиот ден морала да отпатува за Грција на одмор, па поради тоа не можела да го почека другиот лет.
Подготви: Андреја Андреевиќ