Како што известуваат нашите колеги и соработници од естрадниот магазин Естрада плус, денеска хит песната на Анета Молика и Влатко Лозаноски “Со тебе поубав е денот” доби и свој видео спот. Песната која е вистински хит на македонските радиостаници конечно ќе добие свое видео издание и ќе може конечно да се врти и низ македонските телевизии. Како најзаслужни за снимањето на овој спот, освен главните актери, е и ИН продукција која зад себе има без број музички проекти.
Само за момент да ве потсетиме што се однесува до песната, текстописец на истата е сестрата на Влатко, додека снимањето на спотот се одвиваше на неколку локации во Охрид. Официјалната промоција ќе биде на ИН Телевизија првата и единствена македонската телевизија во Австралија, за неколку дена.
Подготви: Александра Блажевска
Фото: ИН Продукција