Денес, 7-ми декември, во арената „Борис Трајковски“, ќе се одржи јубилејното 25-то издание на фестивалот Таксират. Од 1999, од прв ТАКСИРАТ, преку МКЦ, па низ некогашен Скопски Саем, Хала 2, Метрополис Арена, off-Таксират секаде низ Скопје.
Како што велат организаторите, Пасворд продукција, на главната вечер ќе настапат препознатливите Таксират резидентите, имињата потпишани зад најмасовните концерти, артистите кои дефинираа жанрови, но и станаа белег на „Таксират“ или уште поважно, екипата која на моменти помага сета оваа приказна да опстои и да продолжи.
„Три сцени и десет изведувачи во една вечер, на која збирно место има и новата генерација, актуелниот бунтовен звук, но и светската алтернативна, транскултурна електронска сцена“, се вели во објавата од Пасворд Продукција.
Оваа година на сцената ќе настапат:
- Acid Arab,
- Dub FX,
- Dubioza Kolektiv,
- Kiril Dzajkovski,
- Let3,
- Mimi Mercedez,
- S.A.R.S.
- Smoke Mardeljano,
- Smut
- Strajk
Билетите можете да ги набавите on-line преку МК Тикетс.